Sophie Friederike von Mecklenburg
Sophie Friederike von Mecklenburg (Sophie Frederikke af Mecklenburg-Schwerin e daneg) a oa ur briñsez alaman, eus Mecklenburg-Schwerin, dimezet d'ur priñs danat. Mamm e oa da Christian VIII, a voe roue Danmark.
He zud
[kemmañ | kemmañ ar vammenn]
Ganet e oa e Schwerin, ha merc'h e oa d'an dug Louis von Mecklenburg-Schwerin, eil mab Christian Louis II, Dug Mecklenburg-Schwerin, ha d'ar briñsez Charlotte Sophie von Sachsen-Coburg-Saalfeld.
C'hoar e oa da Frederick, hag a oa daou vloaz warni.
Eured
[kemmañ | kemmañ ar vammenn]D'an 21 a viz Here 1774, en Copenhagen, e timezas da Frederick Danmark ha Norge, mab da Frederick V Danmark, roue Danmark, ha d'e eil pried Juliane Marie von Brunswick-Wolfenbüttel, hag a oa rejant Danmark etre 1772 ha 1784. C'hwezek vloaz e oa neuze.
Brudet e oa Sophie Friederike da vezañ ur plac'h plijus, koantik ha speredek, ha goude mare diaes an eured en estrenvro e voe karet gant an holl. E-pad dek vloaz kentañ he friedelezh (1774-1784), ne c'hanas nemet teir merc'h, an div gentañ a oa marv-ganet, an drede ne vevas nemet pemp miz ;[1],[2],[3] n'eo nemet en 1786 he devoe ar bugel kentañ a chomas bev, he mab a deuas da vout ar roue Christian VIII, ha ne oa ket, marteze, diwar he fried.
Mat en em gleve an daou bried, war a ouzer. Koulskoude o devoe serc'h ha serc'heg: he mignonez Caja Hviid a oa serc'h he fried, ha tad he bugale-hi a vije bet un isofiser, Frederik von Blücher[4].
Mervel a reas e Palez Sorgenfri, e-kichen København .
Bugale
[kemmañ | kemmañ ar vammenn]
Udsnit af portræt af Jens Juel, ca. 1790.
Pemp bugel he doe :
- Juliane Marie (*/† 1784)
- Christian VIII (1786–1848), roue Danmark
- Juliane Sophie (1788–1850);
- dimezet e 1812 d'al Landgraf Wilhelm von Hessen-Philippsthal-Barchfeld
- Louise Charlotte (1789–1864);
- dimezet e 1810 d'al Landgraf Wilhelm von Hessen-Kassel-Rumpenheim
- Friedrich Ferdinand (1792–1863), 1848–1863, priñs pennhêr (Kronprinz) Danmark;
- dimezet e 1829 da Caroline, merc'h d'ar roue Frederig VI Danmark
Notennoù
[kemmañ | kemmañ ar vammenn]- ↑ Sophie Friederike Herzogin von Mecklenburg-Schwerin: in Cyberancestors.com [retrieved 10 June 2014].
- ↑ Sophie Friederike Herzogin von Mecklenburg-Schwerin in: the Peerage.com [retrieved 10 June 2014].
- ↑ Sophia Friderica Herzogin v.Mecklenburg-Schwerin in: genealogy Database by Herbert Stoyan [retrieved 10 October 2014].
- ↑ Rie Krarup: Female List and royal cargo. Gentle doves and conflict ladies in the history of Denmark.